mik mik : 1月 2011

2011年1月20日星期四

momo - 出院了，回家真好

15/1/2011

10 點左右，收到 hospital 電話，momo 今早的 HCT 再升 1 度，有 19，根據牠的身体狀況，momo 下午可以出院了。駐院醫生和 momo 的主診醫生商量過現階段她不宜插手，所以 momo 出院後仍由 Dr Amanda 跟進，醫院還 fax 了 momo 這兩天的報告和藥名給 Dr Amanda 参考。

由 hospital 出來，我們隨即帶 momo 見 Dr Amanda，她覺得今次 momo HCT 急跌原因 : 第一是類固醇份量減得太輕抑壓唔到免疫系統...而第二個原因可能是 momo 体內仍隱藏牛蜱熱病毒 (之前兩個月曾 sent 過血液去做化驗，報告是 negative )，所以一直攪亂牠的免疫系統...真係想不到牛蜱熱病毒'死唔斷氣'，耐不耐就浦出來玩嘢！

今次 Dr Amanda 除了要加番重類固醇份量，亦加了抗生素和胃藥，五日後再返去覆診....

返到屋企，怱怱同 momo 冲個凉，momo 也大覺瞓了，熟悉的環境、舒適的床床，momo 睡得很甜，回家真好！

2011年1月18日星期二

momo 留院 - 第二晚

14/1/2011

早上 11 點，接到 hospital 電話，告之今早 momo 的驗血報告又低兩度，得番 14，但仍未需要輸血，除非低過 14....心情低落，可以做的是拼命祈求....

中午 1:30 - 2:30 探病時間，未夠鐘地下大堂已好多人在等待探他們的仔女，我們多人 (包括兩個 e e，細姐同哥哥) 在會客房一見到 momo 都眼紅紅，眼泛淚光... momo 見到我地則嗚嗚咽咽，好似好多嘢投訴，嗲到不得了。我地話 momo 最嘈係你了，你睇其他小朋友幾乖....雖然血係低左，但 momo 睇落幾精神，又多聲氣..

探病時間完了，好不捨抱番 momo 入病房。nurse 話晏 d 會同 momo 再驗血，如需輸血她們會知會我一声，所以 6 点前我收不到電話就表示 momo 不用輸血。我們惟有到附近食 d 嘢同行下，shopping 時侯心不在焉，只是奇怪今日星期五又唔係假日，條街咁多人嘅？

接近 6 點，hospital 有電話到，好担心好緊張....對方告訴我 momo 今日三餐都食晒，冇嘔，大小便正常，幾精靈，最主要是 d 血上番 18，所以唔駛輸血....剛剛俾佢嚇 c ，感謝'御本尊'維護 momo 過到呢關。nurse 重話過埋今晚情況穩定 momo 明日可望出院了....

2011年1月17日星期一

momo 留院 - 第一晚

剛剛在前兩篇 blog 還表示希望在 2011年唔好有悲傷、哀愁、低落和憤怒，但偏偏在13号晚'我的心情'是哀愁...因 momo 當晚要入医院...

13/1/2011

放工回家時，momo 在門口吠了兩聲便轉身跳上梳化，但行了兩步就軟倒在梳化上，我立刻扶起牠，看到牠牙肉很白，有些氣喘，擔心牠的紅血球再跌 (因為減了類固醇)，趕忙抱牠到 clinic 見 Dr Amanda，驗血報告指出 momo HCT 得番 16，而白血球和血小板都偏低，情況都幾危急，要留院觀察，因為驚 momo d 血再趺就要輸血。 Dr Amanda 提議我地去太平道獸醫診所，因為個間 hospital 醫療設施同醫生都比較好...我們 book 了 appt. 後就'飛的'去旺角。幫 momo 攪好晒手續，再同 nurse 抱 momo 上二樓病房，nurse 話明天 10点半至 11點 vet 巡完房後會 call back 主人有關狗狗的情況。离開醫院時，淚水已忍不住滴下，很心痛，momo 一定瞓唔慣，我又何賞瞓得着，只不斷祈求 momo 千祈唔好有事，一定要跨過呢關呀！