我係 momo，應畢仔同波波要求講返病發及康復過程，有喜有悲........記得亞咪 4 月中帶我打防疫針時重好地地，vet 同我簡單檢查剩係聽到我心臟有少少雜声，可能我行左一段路同有 d 緊張，問題不大照打針.....
到 4 月尾同 5 月中，有兩次亞咪同細姊返屋企時，我興奮過度無端端成身軟晒攤係地，不過數秒後我就完全冇事起番身，重食得瞓得吠得，亞咪唔覺我有大問題，後來她担心我心臟有事至帶我檢查。5 月尾，vet 幫我抽血，一睇報告 HCT 得 21.5，牙肉篬白，懷疑牛蜱熱，要 send 去漁農處化驗，兩日後返報告係 positive，亞咪告訴 vet 我 04 時曾中過牛蜱熱，當年打左三枝針，食左三星期藥已經好返，但vet 話牛蜱熱會復發，而家有一隻新特效藥(滴滴金)，十日療程，效果好好，雖然貴，食完無事就得啦，我會好快好番.....
亞咪好大安旨意十日後覆診..... 其間我重好開心咁度過我的六歲生日......
件衫仔好靚
回覆刪除[版主回覆12/17/2009 16:01:00]多謝 ee 讚賞，件'花女'衫係舊年我契媽賓賓做俾我賀大姊新婚之喜，係咪好好手勢呢？
原來Momo係個靚女, 佢係咪已經完全好番晒?
回覆刪除希望畢仔快D可以同大家一齊去郊遊啦!
佢日日係屋企好悶, 但Vet話唔好同佢玩得興奮...怕D血未能足夠support.
[版主回覆12/17/2009 21:21:00]momo 未完全好番，HCT 33 ，重食緊類固醇，份量己減到好低，要真係上番 4 字頭至可以完全停藥吧，不過佢活躍番哂，冇之前咁衰弱，重有力跳到上梳化，已经好好嗱...... 畢仔現階段係度度都唔去得，要多 d 休息，第日好番大把機會去玩，畢仔而家 d 血点呀？有好進展嗎？
畢仔今早覆診HCT得29.8, 出院時係26. 體重比出院時輕, 得5.7kg (連埋件外套)...好瘦...好心痛...但都好精神.
回覆刪除[版主回覆12/17/2009 23:28:00]HCT 有 29.8 唔太差啦，最重要好精神同食得，俾多 d 佢食慢慢會肥番咖，momo 而家有 8.15kg，vet 話佢肥，無法，佢成日都想食，我地已经盡量唔俾咁多佢.....
個獸醫有冇搞錯?! 心有雜音唔check下係咩事就打針, 離晒譜!
回覆刪除雖然係動物, 但都要尊重佢地o既生命...
人唔舒服識得講, 動物唔舒服表達唔到, 獸醫又冇乜監管...唉...
[版主回覆12/28/2009 14:24:00]係啦，我真係幾嬲，如果佢仔細些，momo 可能冇咁嚴重，呢個 vet 冇 d 笑容，黑口黑面 ，之後我冇再揾佢，轉另一個鬼婆 vet，後來她放產假就改靚女 vet，佢地輪流 follow momo (同一間診所)，二個都好細心，對 momo 好好......