Happy New Year 2010

momo : 救命呀！睇住我隻手手呀，就到肉啦......

菲菲姐 : 大喊十，你唔好郁郁貢就唔會剪到你......

momo : 亞咪，想運我去边樹呀，我好驚驚呵.....

亞咪  :  你亞姊好掛住你嘛，佢收到呢分新年禮物實開心死....

momo : 吓？唔係呀麻？

亞咪  :  傻豬，同你玩下啫，我地係度祝大家....

Happy New Year ！一年開心過一年......

MOMO 病發 (第六階段)

自從減了藥之後，可能副作用少左，加上 HCT 又升番，我精神好左好多，冇喘氣同手軟脚軟了，可以再次係梳化跳上跳下，跟住菲菲姐騰出騰入，間中重揾嘢撩亞咪同我玩呢.......亞咪仍每日留意我 d 大小二便同牙肉，我嘅牙肉漸漸有番 d 血色。

回想之前幾個月因為我病情很反覆，亞咪担心之外重非常內疚和自責，怪自己太粗心大意，唔察覺我有牛蜱熱之餘重打防疫針(亞咪都有 d 嬲之前個 vet 馬虎，唔同我驗血 check 清楚)，攪到我嘅免疫系统咁亂咁難醫，而家個靚女 vet 細心好多，佢重建議我日後都唔好打防疫針、瘋狗針等......

我患上呢個病以來，雖然肉体受了不少苦，但意外收穫是亞咪更珍惜同疼錫我，我亦多左很多額外食物例如 honey、牛肉同豬潤水，好好味，而亞咪的意外收穫是由一個一百卅多磅的小肥婆變為一百一十多磅的'窈窕熟女'，足足瘦左 16磅........另外，佢因為上網揾資料而認識一班好好，好有愛心的 blog友，全靠他們指導、支持和鼓勵，至有信心陪我打呢場仗，好多謝各位.....持別是波波媽.....

雖然我重食緊藥，但我好有信心好快就可以完全康復，布布、畢仔同其他不幸有 IMHA 的小朋友都要有信心，努力打低呢個病呀！

係度祝各位爸爸媽媽，仔仔女女開開心心過聖，Merry X'mas & Happy New Year .......

MOMO 病發 (第五階段)

晴天霹靂！点解呀？已經加左藥，亞咪又額外俾 honey，肉類同豬潤水我飲，d 血指仍然跌！vet 都'抓哂頭'，点呢？正當亞咪以為又要再加藥時，vet 覺得既然後期個兩隻藥對我唔 work，又貴兼有副作用，不如即時停服，剩係食 Pred (一日二粒)，七曰後覆診，其間要留意我有冇嘔，暈，起唔到身之類，有就即刻帶我見 vet....

亞咪過左提心吊膽的 7 日.....

10月12日 - 驗血報告是 HCT : 24.1;  WBC : 10.7 & PLT : 628    血指冇再跌反而微升，vet 幾滿意，叫我下星期再减 Pred (一曰一粒)，依舊留意有冇頭暈身熱.....

10月24日 - HCT : 23.7;  WBC : 14.8;  PLT : 348      血指在減藥情况下微跌，繼續食兩星期....

11月7日 - HCT : 28.0;  WBC : 12.2;  PLT : 425   繼續食兩星期.....

11月21日 - HCT : 33.4;  WBC : 15.0;  PLT : 445 終於見到 ３字頭了，亞咪很激動，vet 頗滿意，可以再减藥 Pred (每日半粒).....

12月5日 - HCT : 33.2; WBC : 10.9; PLT : 291 vet 認為我病情穩定，但仍然 keep 住這分量，一個月後 (即 2010年 1月2日) 至需要見佢....

MOMO 病發 (第四階段)

7月20日，開始食藥了，Pred 5mg 每日食三粒，分早晚飽肚食，即是每次食一粒半，另外飯前食半粒胃藥，開始食藥後，我覺得很口渴，飲很多水，尿尿疴得又大篤又密，漸漸，我急得一入到籠未及痞低就疴出來，後來未入到籠已在外面疴咗，亞咪完全冇鬧我，她知是類固醇副作用，只是担心我。25日返去驗血，HCT 竟然有 32 (食藥前是 28) ，亞咪將我尿尿情形話俾vet聽，vet 見我血指升左就同我減藥，由每日三粒减至二粒，11日後再驗血，減了棠藥後，以上忍唔到尿的情况冇再出現了，亞咪好開心，諗住好快血指上番，就唔駛再食咁多藥了.....但亞咪開心得太快了....5/8 - 覆診時，HCT 跌左 2 度，可能剛減了藥，份量仍然照舊再食多兩星期.......
18/8 - 白血球同血小板回復正常，WBC 10.2;  PLT 321; 但 HCT 得番 28.9，vet 要加多一隻藥，Imuran 25mg (每日3/4 粒)....
26/8 - HCT 27.3   WBC 9.6    PLT 270
2/9   - HCT 27.9   WBC 9.8    PLT 439
9/9   - HCT 24.2   WBC 8.7    PLT 440
15/9 - HCT 28.0   WBC 13.3  PLT 476
24/9 - HCT 26.0   WBC 13    PLT  449 
vet 要再加藥，Atopica (每日一粒) (呢隻藥勁貴！)

係加藥呢段期間，我好似無晒力，以前我時常係梳化、椅同亞咪張床跳上跳落，但而家整日除了食，大小便同家人回家外，我大部分時間都攤在地上唔願郁，亞咪覺得我 d 肉鬆泡泡，有幾次亞咪返屋企時，我係地下想企起身欢迎她，但不知如何，我撐來撐去，撐了幾次才起到身，亞咪好驚咁問我セ事，佢可能驚我 d
血又低咗，我見佢眼眶都紅埋.......雖然 HCT 有跌冇升，唯一慶幸我仍然好食得，好好胃口，吠聲仍響亮....

6/10 - HCT 竟然得番 22.8..... WBC 10.2   PLT 548......

MOMO 病發 (第三階段)

7月7日，係我的大日子，亞咪一早連同細姊、哥哥帶我到診所，登記後我便被姐姐帶入一間房，姐姐叫亞咪 6 点返來接我，我見到亞咪憂心忡忡咁離開......

6 点鐘，我一見番亞咪，就抓到佢實， e e yun yun 咁哀嗚，嗲到暈，好似好慘，其實真系好慘，心口同 pat pat 附近都有個傷口，主要係抽兩個骨髓，vet 同亞咪傾番我嘅'抹片'，初步係見到有紅血球 baby產生，詳細情形就要等英國化驗報告，大約 10 至 14日，不過 vet 同亞咪講我命不該絕.....算是一個鼓舞！

渡過漫長的10 日後，亞咪打電話返跑馬地，另一個 vet 話 report 返左，冇唔好嘢，冇衰嘢 (Thanks God！)，report 會send 返診所由主診 vet同亞咪傾，7月18，我又再抽血，今次 HCT : 28.1;  WBC : 5.0;  PLT : 129，(仍然係三低)，已经唔関骨髓事了，由這日起，開始了我的漫長抗病生涯.....

(後記 : 亞咪由六月頭至今短短個零月，因為太擔憂我個病至寢食不安，足足瘦了八磅，又老又殘，唉！)

MOMO 病發 (第二階段)

十日藥食完，番去驗血，HCT 仍然 21.5 毫無進展，vet 已覺得不尋常，佢話食完藥 d 血應該上番，重係咁低可能是 IMHA，吓！セ嘢嚟㗎？！ vet 開左 d 抗生素俾我，一星期後再抽血及send 去漁農署化驗睇下係咪牛蜱病毒未清，最多食多個療程....... 亞咪之後猛咁上網揾 IMHA 資料，越睇越 down...原來呢個病咁複雜可怕.....

兩星期後，漁農署第二次化驗出左，牛蜱熱 negative，咁即係 IMHA？咪住，vet 睇到我個驗血報告發覺我除左紅血球，白血球同血小板都偏低，咁既情況....其實有点怪，因為白血球習慣打牛蜱，白血球唔應該咁低嘅，建議我抽骨髓 send 去英国化驗，睇下係咪骨髓巳經有問題，vet 唔想行錯方向，睇埋呢個化驗結果至開始療程喎......天呀！骨髓有問題？亞咪巳經心不在焉，六神無主，只得聽從 vet 意見 book 醫院做抽骨髓手術，要全身麻醉..... vet 幫我 book 左 7 月 7 日到跑馬地獸醫診所做......

 

momo 病發(第一階段)

我係 momo，應畢仔同波波要求講返病發及康復過程，有喜有悲........記得亞咪 4 月中帶我打防疫針時重好地地，vet 同我簡單檢查剩係聽到我心臟有少少雜声，可能我行左一段路同有 d 緊張，問題不大照打針.....

到 4 月尾同 5 月中，有兩次亞咪同細姊返屋企時，我興奮過度無端端成身軟晒攤係地，不過數秒後我就完全冇事起番身，重食得瞓得吠得，亞咪唔覺我有大問題，後來她担心我心臟有事至帶我檢查。5 月尾，vet 幫我抽血，一睇報告 HCT 得 21.5，牙肉篬白，懷疑牛蜱熱，要 send 去漁農處化驗，兩日後返報告係 positive，亞咪告訴 vet 我 04 時曾中過牛蜱熱，當年打左三枝針，食左三星期藥已經好返，但vet 話牛蜱熱會復發，而家有一隻新特效藥(滴滴金)，十日療程，效果好好，雖然貴，食完無事就得啦，我會好快好番.....

亞咪好大安旨意十日後覆診..... 其間我重好開心咁度過我的六歲生日......

畢比特仔，加油！

Noel，畢仔好可愛呵，牠幾歲呀？又係咁不幸患上IMHA，セ嘢引起呢？要住 10 日院，看來病情不輕。不過不要太担心，momo 初食類固醇時都經常喘氣，除此之外，會飲好多水，好多尿尿，胃口好大，好似食極都唔飽.....初期 momo 除了食同疴，大部份時間唔願郁，亦冇セ力，呢 d 都係食類固醇的副作用，惟一可做的是除了食藥外，亦加些補充品，早晚给牠舔少少蜜糖，乾糧之外加些牛肉，雞肉，三文魚或豬潤水希望增加造血功能和增强免疫力，這些我全部是從'波波'和'叮噹寶咪咪'领悟得來，你有空可以上他們的 blog 參考，非常有用。你一定要俾信心同正能量畢仔，佢會 feel 到，momo 重未完全康復，不過比起五個月前已经好好多嗱，畢仔最緊要有胃口有精神，慢慢就會好的，大家一起努力加油....你不如 update 番你個 blog，多些其他 blog 友的意見和支持.....