加油！加油！

亞咪你好衰架.....拋左我個啤酒樽上去....俾番我呀






亞咪 : 高腳妹，差少少就得嘞，努力！加油！永不放棄呀.....

米的温暖窩

呢排天寒地凍，唔好講笑，我小米將之前的遊樂場轉做温暖窩了，see....




亞咪為狗為到底，鋪多張抓毛被，真係好暖笠笠....

我夠鐘揾周公嘞....Goodnight everybody....

超級煩米

有冇見過一隻咁煩，咁死纏爛打嘅小朋友？行緊攬住你"必".....






坐低睇陣電視又不停在你身旁'必'，係咁'必'，煩死啦....救命呀！



真係家無零日，不過每當亞咪坐在佛壇前唸經唱題時，牠又會乖乖的、靜靜地伏在椅旁，不會發出任何声響打擾....

亞咪 : 唉，有時被你激到唔知好嬲定好笑！

米米 : 我知輕重，識分寸架麻....

不尋常的訪客

今天無意中在客廳發現一隻小飛蛾，本來家近山边有飛蛾入屋是很尋常的事，但不尋常的是這隻飛蛾.....

不是慣常見到的灰褐色，牠竟然有詭異的圖案，少見多怪，忍不住拿相機拍下牠.....

 

牠伏在原處一直不動，慣常做法不會打攪牠，因老一輩說法'先人'會付托牠身上回家看後人，真是信不信由你，反正牠沒對任何人做成滋擾便由得牠吧......第二天牠飛走了，是'先人'返回陰間？

米米'玩具'洗白白

呢排天氣乾燥，陽光又充足，亞咪話喺時侯....同我 d 玩具洗白白，因為它們太污糟太臭，洗完後乾淨靚仔香噴噴.....

亞咪，要等幾耐至有得玩呀？
亞咪 ：边有咁快，仲濕淋淋架.....過一日啦

哇！唔制呀....等咁耐。我要！

亞咪好殘忍呵，將佢地吊出街.....

小心我 d 命根呀，夾實 d....跌落去粉身碎骨架....
亞咪 ：有冇咁跨張，怕左你，夾多幾個夾得未？

難、難、難！

同一隻小朋友影相無問題，同二隻已開始有難度，因為一個睬你另一個未必騷你，這天竟然不自量力，同六隻坐唔定兼唔聽教的小朋友拍合照，終於....

大人叫到拆天...魔魔、米米、番薯、比比、咪咪...呢边呀...Hello...

番薯 : Hi, 靚仔，我做你 boyfriend 好嗎？
米米 : 噢！你兩個當我透明架，我假假地都係青春靚女喎
番薯 & 魔魔 : 呢個黑妹傻傻更更...
米米 : 亞咪我投訴佢地玩斷背

番薯 : 我地白雪雪白種，你烏卒卒黑種，冇厘高貴...
米米 : 啍！我要投訴多佢一條'種族歧視'...

嗌到聲嘶力竭，成樽餅餅都倒瀉晒的大人最後影到佢地齊齊
笑噬噬的大合照了，Yeah...成功

米米 : 開心得太快了，你們忘記了對上嗰張相有隻Hill Hill 嗎，大合照冇左佢噃？

OMG ！日落西山了，下次啦.....

米米'攪边科'？

米米 : 亞咪，你咁無聊，我同你玩一個 game 好嗎？



1....2.....3.....開始啦.....
'你睇我唔到，你睇我唔到........'





hehe....Game over 啦！好玩嗎亞咪？

低能白痴米....好地地張梳化墊，又要我整過...

momo 上咗身？

這段 video 兩年前拍下，當時 '科倫時' 放完大假由 Philippine 回來。隔別五星期，momo 見番'科倫時' ，開心到不得了....熱烈歡迎






今天，'科倫時' 上來拿些舊衣物，米米見到她
好像久別重逢般興奮、雀躍....想極都唔明，我們帶米米回家時，'科倫時' 己轉了工，耐不耐才上來見過數次，點解米米會對佢熱情成咁？'科倫時' 話佢 just like momo....






米米太太太瘋狂激動了，'科倫時' 有點措手不及，亦驚俾佢 d 爪 '毀容'，老公唔要佢就惨啦！