歡樂過後

米米 : 一個美麗的星期天 (25/3)，細姐姐帶我參加一個小型生日 Party。
今次係我咁大個女第一次去 P ，好多嘢食，又有小朋友同我玩，好開心呀....

但係第二日晚上，我就開始疴爛爛了，初初是朱古力雪糕，後來變了花生糊！重嘔左少少黃胆水，好似越來越嚴重.....唔得啦，嚇死亞咪了。亞咪立即請了半天假帶我見 vet，幸好 vet 見我重好生猛，檢查過肚仔也沒太蹦緊，應該不太嚴重，但都要幫我打一支止嘔針，食抗生素同益生菌。亞咪咁就唔見左一張大牛，冇左半日假同担心左一日，呢個就係我去 P 嘅代價，太大了......




米米 (憂傷地) : 從今之後，亞咪可能以後都唔俾我去 Party 了，哥哥....點算呀？

哥哥 : 边個叫你咁'水皮'，食少少嘢就攪成咁，我幫你唔到囉....

赤柱半日遊

上星期日，難得好天，更有陽光，舅父約埋亞咪帶埋我地幾隻小鬼入赤柱行下....
但行唔夠兩粒鐘，班大人又話攰又話肚餓，坐埋一边開餐，我地就頭岳岳，兩頭望

望望左....

又望望右....

噫...開始有人走埋嚟同我地影相添...



嘩！越來越多閒人啦，連 BB 都吸引埋來...

BB 媽咪問 :  d 狗仔咬唔咬人？
路人甲答 : 唔咬人，佢地好乖架......(佢又知？)



路人乙 : d 狗仔幾得意呵.....好可愛....

路人丙(紅衣亞伯) : 係囉，影白色嗰兩隻啦，靚 d ，黑色嗰隻唔靚，行開 d....




亞咪 :  有冇搞錯....激屎....米米雖然唔及兩個表哥表弟咁可愛，但在媽媽眼中永遠是最靚的，亞伯你駛唔駛咁老實不客氣，傷左一個小朋友的自尊呢