07/06/2003 - 15/05/2011
momo 終於结束了兩年的苦難，牠以後不再需要覆診、抽血、打針和食無窮無盡的藥了，牠於 15日凌晨安詳地去了彩虹橋.....
14日上午和 momo 覆診，vet 驗查完畢重讚 momo 脚骨力好左，但皮膚有些發炎，需吃一些抗生素，返家後 momo 很快吃光牠的午餐後食藥，不久 clinic 來電說 momo 的肝指數非常高，去到 9 千幾，vet 也感到担心。
吃過午餐後兩個零鐘，momo 開始嘔，開頭嘔少少，不久又嘔一大灘，到 6 点前己嘔了 3 次，打電話問 Ah Paul ，他說可能 momo 不適應這隻抗生素，所以引致嘔吐，還叫我們暫停給牠服用。 momo表現得很虛弱，完全冇胃口食任何嘢，只是飲了些水，最後連水也嘔出來，我們只有讓牠盡量多休息，看明天情況如何再打算...
凌晨 3 時多，起床看一看牠，發覺 momo 已沒有呼吸和心跳，身体還暖，牠靜悄悄地走了，頑强地抗病兩年，小士真的很攰了，需要休息了，也不忍看牠再苦撐下去....千般不捨，牠最終都要离開我們到一個無苦無難，充滿歡樂的地方 - 彩虹橋....
momo，這兩年辛苦你了，不要掛念我們，到了彩虹橋盡情地跑和跳，玩過痛快~~
momo離開時很安詳！mobei,請節哀順變吧！不想來的一天,終於也來了！
回覆刪除牠靜悄悄地走了,可見牠離開時不太痛苦,也稍為安慰。
momo,乖乖女,安息吧！以後都冇病冇痛苦,在彩虹橋上愉快地生活！
[版主回覆05/16/2011 16:13:00]係呀！momo 走時很靜，我咁醒瞓完全聽唔到乜嘢聲，個樣睇落一 d 都唔痛苦，我好安慰了。
回覆刪除momo一路好走，知你而家在彩虹橋自由馳騁，，momo堅持到底，回到最愛的家悄悄的走，momo永遠愛你
[版主回覆05/16/2011 17:14:00]MOMO 真係好抵錫，走前唔要亞咪做痛苦的抉擇 - 送入院打針，佢好似知道我最唔想行呢步，MOMO 好乖女... 我也永遠愛 MOMO ....
momo 靜悄悄地走了, 又在家中離開, 總算好走 momo 依家再無痛苦, 可以開開心心咁係彩虹橋奔跑, 一定好開心! momo 一路好走
回覆刪除momo 媽你地都唔好太難過, 將來一定有機會再見架
[版主回覆05/16/2011 17:19:00]只是好好好唔捨得，雖然明白牠活下去亦痛苦，期待將來再見的一天~~
MOMO 離開時沒有太大的痛楚....同埋能夠在家中離開.......算是悲傷中的一點欣慰.
回覆刪除momo在彩虹橋一定生活得好開心..MOMO 媽妳放心
[版主回覆05/16/2011 20:39:00]momo 如我所願，可以在家中静静地离開，沒太大痛苦，是牠的福份，不用再受病魔折磨我應為牠高興，只不過無時無刻不想念momo...
MOMO 媽...妳今日有無返工呀? 精神好嗎? 掛念妳..擔心妳..
回覆刪除[版主回覆05/16/2011 20:44:00]多謝 jojo 関心，雖然兩日只瞓得 6 小時，(因一合埋眼就諗住 momo)但精神尚可，而且返工時間易過 d，OK 呀，唔好擔心我...
永遠愛您, momo, 等待與你重遇
回覆刪除[版主回覆05/16/2011 20:45:00]me too.... love momo forever.....
momo一路巧走了, 在彩虹橋就不再受痛苦了. momo媽節哀順變, 禾明白你的感受, 禾亦試過禾的宝貝離開的. momo媽你要堅強落去喔~ R.I.P~
回覆刪除[版主回覆05/16/2011 20:53:00]多謝 meko 媽安慰，已經有心理準備了，还是十分難受....要多些時間適應和習慣 momo 的不存在，你個時要幾耐至適應到呢？
momo在家走得好安詳,momo媽唔好太傷心momo走時唔辛苦,現在應該係彩虹橋好開心地跑,妳要保重身體.
回覆刪除[版主回覆05/16/2011 23:32:00]有心了 Tong Tong 媽，我冇事架，只是仍未放低啫....我都信 momo 而家大解脱，不用再介懐那些惱人的セ物指数，中意做セ都得~~
momo真係好乖好乖.,來生你必定健健康康
回覆刪除[版主回覆05/16/2011 23:35:00]QQ 媽，承你貴言，momo 下世一定會健康快樂呵....
momo一路好走！ momo真係一個好堅強既小勇士，雖然而家佢去左遠行，但我相信佢時刻都會返尼探momo媽你既。 momo媽唔洗太擔心，momo而家o係彩虹橋再無痛苦，自由自在地喪跑，仲有好多小朋友陪住佢玩，佢唔會寂寞架！
回覆刪除[版主回覆05/17/2011 09:56:00]momo 為了陪多我地兩年，盡了力撑到最後一刻，真係好叻女，係時侯 momo 要抖了，我唔可以咁自私唔願放手，應該要為 momo 高興脫离苦海，無拘無束...
momo一路好走, momo媽不要太傷心, take care! momo不用再食藥了, 以後可以開開心心
回覆刪除記得當年仔仔走時, 我都很不捨, 當收拾仔仔的物品時, 看到仔仔的針藥後, 我突然釋懷, 因為我知道仔仔若有來世, 因為這離別, 就有機會換來健健康康, 可以任食零食, 所以我放下了
[版主回覆05/17/2011 10:13:00]我也相信 momo 今生所有病業已經消除，誠心祈求 momo 下世健康快樂，是我最大心願~~
您對momo的心願一定達到的
回覆刪除[版主回覆05/17/2011 11:07:00]多謝，有你們一班 blog 友一直以來對 momo 的支持，momo 好幸福了！
唔知點解0係上星期心有些不知怎的....
回覆刪除真係好難過知道呢個消息, 雖然未見過Momo, 只係0係相, video, 同Momo Mum 描述中了解到MoMo, 但巳經好似相識好耐0既狗仔朋友般.....
Momo, 希望你到左彩虹橋可以盡情跑 以後再無病啦..Momo Mum, 唔好傷心...至少Momo 呢個小天使都同你地相處過0金多年, 係佢在生0既時候帶比過你地歡樂, 將記憶留起吧, MoMo 永遠活0係大家心中....
[版主回覆05/17/2011 12:28:00]Ball Ball Ma，大家都不要太難過，所有人包括 momo 自己已盡了最大努力，可能 momo 的使命已完成要返彩虹橋了。其實 momo 走前個多星期牠己經很難站起，很多時要我們幫手扶牠才入到籠小便，半夜更試過瀨了在地牠肚仔也濕晒，真是難為牠....
上次 3月在 clinic 帶牠回家時，Ah Paul 曾搖頭說 momo can't alive more than one month，現在 momo 已活多二個月，牠也撐得很辛苦，對牠來說足夠了！我們一家非常感謝 momo 帶給我們無盡的歡樂，美好的回憶永留心中...
momo 一生有你已好幸福了！
回覆刪除[版主回覆05/17/2011 12:56:00]我地有 momo 更幸福，牠是我們的開心果，小天使....小天使要返天家了，我們祝福牠~~
momo的事辦妥了吧
回覆刪除[版主回覆05/17/2011 19:39:00]book 了今個星期六火化，之後會帶番 momo 的骨灰返屋企，長伴我左右....
momo,一路好走!!!係彩虹橋要生活得開開心心呀!!!momo媽,你要振作呀!!!
回覆刪除[版主回覆05/18/2011 11:06:00]momo 係彩虹橋有小朋友同佢玩一定開心呢，我會好好生活唔好令 momo 牽掛~~
放心momo係彩虹橋一定會好開心......
回覆刪除[版主回覆05/18/2011 21:36:00]係呀！momo 在彩虹橋剩係玩，唔駛再打針食藥了.....
給你的 : 彩虹橋的約定
回覆刪除http://hk.myblog.yahoo.com/butterfly-sense/article?mid=777
[版主回覆05/19/2011 10:03:00]多謝 Mr Butterfly 的心意....很期待和 momo 相聚的一天，我諗佢會開心到癲....
燒賣媽 : Momo好叻, 可以橕咁耐, 不過攰喇, 係時候要休息 Momo媽你都盡咗力去幫佢, 唔好太傷心喇 Momo留喺你身邊直到最後一刻, 應該感到安慰
回覆刪除[版主回覆05/20/2011 23:34:00]我也明白對 momo 来講，离去是一種解脫，只是真係好唔捨得牠.....
我們祝福牠
回覆刪除[版主回覆05/23/2011 16:24:00]Thank you~~
bella 媽 : 我好耐無睇blog ,睇見lee 個消息,真係好難過... 不過 momo 離開時很安詳,依家可以開開心心咁係彩虹橋奔跑,momo miss you !
回覆刪除[版主回覆06/09/2011 13:53:00]I miss momo too ... 感到安慰是 momo 走時沒有受太大痛苦，以後亦不用再受苦，在彩虹橋上幸福地生活！