米米愛黏人

某個晚上，細姐睇睇下電視，倦極府伏在梳化上睏着，米米黏着細姐姐瞓.....



打橫咁瞓喺細姐大腿上，好似好舒服....

另一個晚上，米米換了另一個姿勢，瞓在細姐兩腿之間...

米米，你真係好中意黏住人喎，成舊黏飯咁....

米米 : 亞咪，全日咁多個鐘冇見你地，夜晚梗係黏番夠本嘞....

米米天敵

胆大包天嘅米米，還以為牠天不怕、地不怕，原來有一死穴....


米米 : 亞咪！點解隆隆声咁響嘅，個天又閃閃下，好得人驚呀.....

亞咪 ： 行雷閃電之麻。雷聲喺咁架嗱，生'狗'唔生胆

米米 :  d 雷會唔會劈到我架，我聽過行雷劈死人喎，都係匿埋防室洞(梳化底)好 d

米米 : 喺呢度我至覺得最安全最放心呢

米米捉鼠鼠

米米 : 亞咪，上次我曳曳，今次將功補過....我揾到...

哇！好大隻老鼠呀！

唔...諗下點捉左佢先？

亞咪 : 傻豬，呢隻係松鼠，唔係老鼠， come from USA 架

USA 嗰 d 唔係 Micky Mouse 咩？噫...唔踏得張椅，會跌死狗喎

佢好似企唔穩呢，撞下佢先

得左！佢果然不堪一撞，撻左落嚟

亞咪我係唔係好叻女呢？

亞咪 : 巴閉勒，冇你咁好氣

破壞王米米

放工踏入家門，OMG.....滿地尿墊碎！點解會咁架？遲返左半個鐘啫....

最唔明的是，因有前科，己經為個籠加晒工，做好所有預防措施，仲估萬無一失......

但小魔怪仍能發揮牠的超智力，抓到條墊出來粉碎，呵呀....我真的要向你寫個'服'字了！

今次你又 win 一局了，咪得戚，我一定想到方法對付你，嘿

大耳牛 Goodbye 大牛龜

米米 : 這部'大牛龟'陪伴了亞咪整整 10 年，今天是最後一天了，亞咪你真的捨得拋棄？



米米 : 佢有セ問題唔要佢呀？

亞咪 : 呵，'大牛龟'年紀大、機能開始衰退....嗰朝一早起身開電視，個畫面同 d 字朦茶茶，亞咪重以為自己對眼有事，幸好過左一陣又清番，嚇得我.....

其實亞咪亦堅持了很久，她認為好好的一部電視只用了數年，為了看高清而換掉不合乎經濟原則及環保，除非壞了或爛了才會買新的，所以前幾年很多親朋好友陸贖換了她仍不動心。不過自從那次，每朝一開機'大牛龟'總是'面目模糊'示人數分鐘，亞咪覺得它是時侯退休了....

米米 : 咁....'大牛龟'係咪要去堆填區呀

Oh..No.....佢有好歸宿呀，'科倫時'明天装箱運佢返老家，佢話 Philippine 整乜都平，セ都 can do....可能'大牛龟'活多十年八年命喎

在亞咪來看，七、一慶回歸似慶祝新 TV 入伙多些，哈哈.....