冇胆米

呢排大廈外牆維修及翻新，窗外不時有鑽牆及鑿壁聲，更有工人乘吊船上上落落，冇胆的米米就嚇到鼻哥窿冇肉，匿埋在椅底.....

米米 : 亞咪，好驚呀，嗰件怪物走左未呀？

佢會唔會走入嚟捉我架？

亞咪 : 有冇搞錯，你天職係守護家門，見到陌生人唔吠爆不特止，還縮埋一嚿，真係冇鬼用呀！想當年，momo 早已吠到癲.......

搬家試新 blog

搬了新家後，第一次寫 blog，試下效果如何。新家未適應，不像舊居用慣用熟，人始終有惰性，唔係逼到埋身都唔願郁呢。

亞咪首先多謝 BB多多媽好介紹，介紹了小吉姐姐，她很耐心和不厭其煩教細姐怎樣搬 blog，終於成功了，亞咪感激不盡，可以保留番之前 momo 所有的回憶......

亞咪 : 個新 blog 不如寫下上星期日，風和日麗，我們行荃灣西鐵對出個海濱長廊呀？

米米 : 好呀！嗰度好正！任我跑，唔多人，好舒服呵....

途中，我們遇到一個靚女，佢叫'烏冬'喎，Hi, 烏冬 BB.....

烏冬 BB 有長長的眼睫毛，留長髮的耳朵，身形比我嬌小，好似公仔，個個都讚佢靚女同可愛，我拍埋去.......嗚.....唔講啦，太傷心！不過靚女唔高興影相，一見人攞起部相機或 iphone 就左檸右檸唔肯上鏡呀，幾經辛苦至同佢影到呢張....

我唔抗拒架，細姐懶有 feel 咁同我影左呢張側面藝術相，cool 爆.....點知放上 fb 竟然有人話我 look like a cow!!!

太過份了，雖然我唔係美女啫，但都唔駛似隻牛桇.......嗚嗚......

米米 : 大熱天，亞咪和細姐返了工......冇人喺度。亞咪唔怕一萬，至怕萬一，唔敢開冷氣，風扇都唔開，驚漏電我會變燒狗！但叭低真係好熱呵，重係木地板。

亞咪 : 知你辛苦嘞，特別揾張你咬唔爛嘅涼墊俾你，舒服吧！

米米 : OK 啦，加埋廚房抽氣扇D風吹出嚟，凉浸浸都唔錯，好過冇啦。
亞咪 : 係呀，費事俾你投訴虐待你囉......



米米 : 之不過喺冇咁熱嘅日子，我始終中意我張'龍床'多D，Woo, 幾舒服....


米米 : 喔噢 .....太舒適了，有少少失儀態添，各位唔好見怪......

戰利品

28/7 寵物展最後一天，難得天氣好好，舅父又有車，便載我們逛狗展，揾下有冇心水用品
米米 : 亞咪終於幫我揾到一個啱我 size，又幾舒適的拖喼，下次出街就唔駛孭我孭到死死下.....

玩 ball ball

累績以往經驗，衰米不在身边攪攪震，或嘈嘈閉，突然靜晒冇聲冇影，
通常都是冇乜好嘢.......


亞咪 : 米米，係邊呀，做乜呀？
米米 : 我攞唔番個 ball ball 呀......

亞咪 : 嘩！邊個叫你拋上去，有冇碌得入 d 呀？

米米 : 鬼叫你掛住睇靚仔 cool 魔唔理我，自己同自己玩係咁架嗱！

好事多為

米米 : 以下是小妹的戰利品，它們通通遍體鱗傷，佈滿牙齒印，慘不忍睹，有部份更去了堆填區.....
第十位 : 家居無線電話，只是外表受損，功能無礙，重講得聽得，仍可保住條命

笫九位 : 打火機，被小妹碎屍之後已去了堆填區....  

第八位 : 鴨鴨攬枕，跟了亞咪十年，終於壽終正寢

第七位 : 餐椅 (受過教訓，亞咪下次換椅會揾些不綉鋼椅脚，睇我點咬？)

第六位 : 玻璃几枱，亞咪發覺它冇乜用了，因不能放任何物件在上面，咁要來做乜？

第五位 : 書柜連直身鏡 (有冇不綉鋼書柜)?

第四位 : 衣拒

第三位 : 牆身....雖然亞咪用乜寶物寶補過，但唔駛兩日，又被我恢復原狀，亞咪你慳番 d 力

第二位 : 電視遙控器，外表摻手，不幸中之大幸重要按掣無嚴重破壞，還可使用，唔係又要破財 250 大元買部新的

第一位 : 抽濕機電線！雖然有保養，但「狗為」的損毀唔包，盛惠三佰大元

米米 : 我今次算大命了，我咬緊時個部機關了，如果開着我會唔會又去見  MOMO 姐呢？

米米 : 亞咪做乜你眼神咁兇狠？
亞咪 : 你好事多為囉，仲問.....


米米 : 做『獄中狗』難唔到我，我唔識驚架，亞咪你記住 D 嘢唔好周圍放，減少損失好過啦.....