一個陽光普照的星期六，亞咪在弄午餐，細姐執拾自己物件，咁靜嘅，米米呢？細姐入房一看，衰豬靜靜地跳上我張床，抓開盒子，弄出我的一支眼藥水拼命地咬，膠樽個底爆開，藥水流到一滴都冇，可惡，要即刻入籠坐監！
唔，坐了個多鐘，細姐見佢眼矇矇，好似冇厘心机冇乜神，當然啦，坐監喎！應該受夠教訓可以放監了，噫，點解牠出了冊行得有些怪，身体歪歪地，脚步浮浮，連跳上梳化也好似唔夠力，平時牠离地三尺己跳上了，越睇越唔妥，check 下牠的牙肉，竟然冇血色 (這情況我最熟稔，momo 當年貧血也是這樣)！死啦！米米乜事呀？
米米 : 乜你地完全察覺唔到我已經呆呆滯滯咩？
我們立即打去 vet 將情形告之，vet要我儘快帶米米和眼藥水說明書俾佢檢查。
Asst. 同米米探熱，呵，体温好低....心跳好慢.....血壓又低....脈搏很弱....嚇死我啦！點解會咁？vet 話我枝眼藥水有降血壓成份，米米在咬穿個樽時有部分流入牠口腔，吞左落肚引至米米血壓急降，整個血液循環系統亦受影響，要立即同佢打支解毒針，跟住吊鹽水同留低 clinic 觀察，如果在他們關門前冇好轉就要繼續留低過夜吊鹽水，更差就要轉去 24小時醫院 >0<
回家等待期間，心急如焚，到了 5:30 vet 打電話給我們說米米精神番晒，在診所走來走去，其他指數全部回復正常，可以帶佢番屋企嘞。Thanks God.....
睇番張 report, 當時米米心跳只有 60下 per minutes, 体温 35度。經 vet 急救後心跳已回復 110下 per minutes，体温 39度。今次算是有驚無險。touch wood, 如果冇人在家或遲些再睇 vet，米米會否有機見到 momo 呢？
米米 : sorry 呀！亞咪，我知錯了。以後唔敢曳曳啦.....
小搗蛋幸好大步跨過了，牠像冇事一般倒頭便瞓，只害得亞咪驚到鼻哥窿冇肉及又破財囉！
