回想之前幾個月因為我病情很反覆，亞咪担心之外重非常內疚和自責，怪自己太粗心大意，唔察覺我有牛蜱熱之餘重打防疫針(亞咪都有 d 嬲之前個 vet 馬虎，唔同我驗血 check 清楚)，攪到我嘅免疫系统咁亂咁難醫，而家個靚女 vet 細心好多，佢重建議我日後都唔好打防疫針、瘋狗針等......
我患上呢個病以來，雖然肉体受了不少苦，但意外收穫是亞咪更珍惜同疼錫我，我亦多左很多額外食物例如 honey、牛肉同豬潤水，好好味，而亞咪的意外收穫是由一個一百卅多磅的小肥婆變為一百一十多磅的'窈窕熟女'，足足瘦左 16磅........另外，佢因為上網揾資料而認識一班好好，好有愛心的 blog友，全靠他們指導、支持和鼓勵，至有信心陪我打呢場仗，好多謝各位.....持別是波波媽.....
雖然我重食緊藥，但我好有信心好快就可以完全康復，布布、畢仔同其他不幸有 IMHA 的小朋友都要有信心，努力打低呢個病呀！
係度祝各位爸爸媽媽，仔仔女女開開心心過聖，Merry X'mas & Happy New Year .......
有時間就好好休息呀! 祝你一家都健健康康吖! merry x'mas...
回覆刪除[版主回覆12/25/2009 23:48:00]多謝你們的祝福！你地同可樂都身體健康，生活愉快...... Merry Christmas
咁真係意外收獲丫，瘦左咁多。但係呢d野唔好再黎喇，真係嚇死人架。
回覆刪除[版主回覆12/28/2009 11:35:00]係呀！momo 真係要靈靈性性，黎多一次我會死架！
減左藥momo仲精神左就皆大歡喜啦! momo咪仲有意外收獲添
回覆刪除布布: 我媽咪見我成日餓鬼上身, 應承同我共同進退, 我唔食佢唔食... 我就瘦左呀, 唔知點解佢好似仲肥過以前 ... momo, 我地一齊快d好返, 當送新年禮物俾咪咪啦! (慳水慳力...嘻)
[版主回覆12/28/2009 15:05:00]momo : 你媽咪好犀利喎！仲肥過以前？ 佢地最最最想收到的新年禮物當然係我地早日康復啦，我地可以去街街之餘佢都可以出去玩，之前我病左佢邊度都唔想去，連最喜愛的日本自由行都拒絕，第日我好番佢就可以玩到癲....
係呀, 波波患病期間每次去驗血都心慌慌0架. 如果指數升番又好似中六合彩0架. MoMo 而家血指數漸漸升番係好現象呀!!! keep it up!
回覆刪除[版主回覆12/29/2009 10:36:00]等報告個段時間好忐忑不安，指數升簡直開心過中六合彩，呢種心情大家都好明白.....keep it up 大家咁話！
mobei 起白鳳丸度睇到你開 blog
回覆刪除先祝 momo 身體健康猛如龍
你地一家聖誕快樂、momo 進步
[版主回覆12/30/2009 09:25:00]多謝！學下人寫囉，新手上路，寫得唔好多多包涵！ 包租婆點解開左 blog 唔講下你 d 仔仔呀？
記得出年比個好消息我地呀! 加油毛毛 !
回覆刪除[版主回覆12/30/2009 14:26:00]momo : 我會繼續加油，繼續俾好消息大家.......
mobei,
回覆刪除祝新年快樂！你和家人身體健康！
恭喜momo戰勝病魔,快些康復。
lily媽
[版主回覆12/31/2009 09:37:00]祝 lily媽lily爸身壯力健，lily小姐血糖一路保持平穩，唔好扭計唔食嘢,,,,,
~~ 新年進步！~~