momo，你离開亞咪一個月了，這個月過得十分漫長，很難過，腦海裏沒有一天不想起你，開頭幾天簡直害怕回家，因為一開門再也聽不到你的吠聲時，已忍不住眼濕濕，入到屋內，每個角落都是你的影子，雖然電視開了，仍感到家中很靜，沒有了我們久不久便呼喚你的聲音，特別是'科倫時'，她總是提高八度聲浪問 "momo ，momo 係边呀？"...而今靜得可怕....
街外亦全是你的回憶，巴士經過那段路，便想起你患病之前每個星期六我們去行山，你和'科倫時'一定一馬當先跑到最前頭，然後等到我們差不多行近時你們又跑過....
另一個地方亦是你最愛到的，你知道那兒常有其他小朋友聚集，所以你總是興奮莫明，狗未到，聲先到，而我們一定牢牢看着你，因你少出街，怕你同其他狗狗有衝突，要給時間你和牠們適應呢...
momo，這段應該是你一生中最最最幸福愉快的日子，亦是我們最開心快樂的日子，為什麼美好的日子總是那麼短暫？
同其他小朋友 say 'Hello' .....
'科倫時'...出來呀....
momo，你在沉思些什麼？
青娃公主
永遠可愛的...momo
'科倫時'...出來呀....
回覆刪除依張相..momo 的動靜....配上簡單的幾隻字.....令我 了.
momo 媽..妳最近好嗎? 科倫時好嗎?
老細說...每次在妳blog 我都會叫妳加油, 振作, 堅強..但其實momo 去彩虹橋的那天起...每次睇妳的blog..我都會眼濕濕
[版主回覆06/15/2011 22:31:00]唔好意思呀 jojo，只是想透過 blog重温一些 momo 歡樂的往事，想不到次次都令你眼濕濕...今日 momo 走了剛好一個月，'科倫時'和我都覺得 momo 好似离開我們好耐，有渡日如年之感。我們不提起 momo 還好些，一提起牠便 .....我想我們真的需要一段時間來適應這段艱難日子，希望不會太長吧.....
momo 媽....唔駛唔好意思呀....係我自己要睇gar ma
回覆刪除8年深厚感情..家裏每一角落都有momo 的影子...要適應沒有momo 的日子真係好有難度.....我寫野唔叻..只識得叫妳加油再加油 ...科倫時都係要加油再加油..^^
[版主回覆06/16/2011 14:27:00]我也代科倫時講聲多謝，哀傷過後日子仍需過下去.....
我都明白, 就好似我同你講, 同阿moon講起momo我都會忍唔住喊....
回覆刪除希望時間會令難過的感覺沖淡, 往後每次提起momo都會係開心咁笑住講...
[版主回覆06/17/2011 10:00:00]"往後每次提起momo都會係開心咁笑住講..." - 一定會有呢日....
會再養狗狗嗎???? 一定要再養... 不是因為想快些忘記momo... 而是為momo幫助其他有需要的狗狗.... 這個世界買狗的人太多了... 但真心愛狗的人不是很多.... 要加油呀..... mobei... 很愛那張敲門相..... HEHE....
回覆刪除[版主回覆06/17/2011 10:40:00]明白你的意思，我咁愛狗，將來會再養，但点都唔會忘記 momo 的，其實如果不是住的地方禁止養狗，領養更能幫助其他有需要的狗狗呢！
那張敲門相是 momo 每日必做動作，我也極喜愛。
你好嘛? 睇完你既對momo既思念, 我都深深感受得到同明白! 亦覺得你能有咁多寶貴的回憶同相片真係好幸福! 其實我自己都會每天想念我的毛毛, 雖然助養牠只有一年多, 但我真的很錫牠!
回覆刪除你都要努力呀, paul paul等待你去探牠的!
[版主回覆06/18/2011 13:10:00]以前同 momo 拍了不少片同相，好珍貴，而家重温都有笑有淚，好唔捨得..... 其實喺 4月尾我亦有同朋友去過 saa 探 paul paul，佢真係好叻仔，好堅强。日後我一定會抽多些時間探牠和其他狗狗的。
momo媽, 你同 科倫時'都要努力加油, 比的時間大家適應, 如果真係想講就講, 想喊就喊, 唔好太刻意逃避, 有時發洩左出來, 會好的.
回覆刪除我而家都仲適應緊, 我地大家一齊努力, 相信momo同黑妹都想我地開開心心...
[版主回覆06/18/2011 13:41:00]可以想像 Hak Mui Ma 呢幾個月心情是多麽難受！很認同你的說話，喊出嚟會舒服些。暫時有些朋友 (知道我有養 momo 的)我仍未敢聯絡，好怕他們問起 momo 我就哽咽，講唔到....我好似 momo 咁堅强就好了，有時也恨自己太冇用。 黑妹同 momo 一定唔想我地為牠們傷心呢，我地都要繼續努力克服，令牠們安心吧.....
養狗狗真係會帶比我地好多美好回憶. 無論人和事怎麼變, 狗狗永遠係你身邊. MoMo 媽, 要抒發既盡情抒發啦. 我地都想更加認識MoMo.
回覆刪除[版主回覆06/19/2011 14:43:00]係呀 Ball Ball Ma，我都覺得抒發出嚟好好多....多謝你仍然咁關心我，Ball Ball 好嗎？得閒 post 佢 d 相我地睇下呀.....
Take Care!
回覆刪除[版主回覆06/20/2011 15:18:00]多謝諸奇媽關心~~
MO 媽，要你們在短時間內忘記哀傷痛苦，是不可能的事，我雖未曾真正見過 momo ，看到他離去消息，也會心痛、落淚，更何況是你們，療傷一定要用時間消磨，阿MO這生無憾，有愛她的媽媽和照顧她的姐姐愛錫， mo 媽，正如你所講，希望日後回憶都是開心，
回覆刪除[版主回覆06/20/2011 17:00:00]BB 媽，都唔敢想像要用幾耐時間治療呢個傷痛呢，當初重以為自已有心理準備會好堅強面對 momo 的离去，到發生左至知道原來好難好難，可能到真正失去才明白牠對我是那麼重要，那麼難忘...
呢幾個月忙到我死死下, 一上到黎, 就見到呢個好消息. MoMo 你好叻架喎, 以後唔食藥藥, 打針針嘞, 可以好開心四圍跑, 有無見到 B 哥哥? 得閒就返黎探媽媽喎. 乖 !
回覆刪除Mo媽, 生有時, 死有時, 天下萬物總有定律, 時間縱使漫長仍然會過, 加油呀!
[版主回覆06/21/2011 21:49:00]其實大去对 momo 嚟講喺好事，起碼以後唔駛再受苦，只是我仍執着，放不低，捨不得....做人就有呢 d 苦惱。時間是最好的治療藥，遲下我會好番架，多謝 BBG 媽鼓勵！
momo媽, 你要振作 ar, 禾知道係要時间去適應的, 那种心情是巧難受的, 但 momo 会守護住你們的, 牠亦不想見到你們不開心的.
回覆刪除禾那時都要耐來時间適應的, 禾都有你的同感, 怕在家会想起牠, 行過的地方又想起牠, 這是巧怕的, 但都要積極面對. 雖然禾什麼都幫不到你, 希望你明白牠不会再受痛苦.
[版主回覆06/22/2011 09:39:00]Meko 媽，你地嘅開解、支持同鼓勵幫左我好多嘞，好感謝你地....在 momo 病的後期，我最大心願是牠不要再受咁多苦和日後安詳地离去，牠已還了我這個心願，我也要好好生活令牠安心吧....